李小龍

傳奇功夫明星李小龍在42年前的今天，1973 年 7 月 20 日於九龍塘離世。他是世界武道變革先驅者、武術技擊家、武術哲學家、UFC開創者、MMA之父、功夫影帝、功夫電影的開創者截拳道創始人、華人武打電影演員亦是「功夫片」電影始祖一代武術宗師、中國功夫首位推廣者、好萊塢首位華人演員。

他革命性地推動了世界武術和功夫電影的發展。李小龍去世之後，他的銀幕形象對全球華人以至世界各地都依然有著巨大影響力。

他已經離去40多個年頭了，但是也許你不知道，至今這位東方功夫巨星仍保持著多項難以打破的世界紀錄，他的無數傳奇故事依然為今天的我們津津樂道…

李小龍喺美國三藩市出世。祖籍廣東順德，響家下均安鎮。老豆係粵劇丑角李海泉，阿媽係商人何甘棠個女 Grace 何愛榆，亦都係香港人。

李小龍有一仔一女，個仔係李國豪，個女係李香凝。

李小龍喺二次大戰後返香港，1949年起先後讀過德信學校、喇沙書院同埋聖芳濟書院。佢喺1946年到1959年做童星，拍咗幾十套粵語片，包括《細路祥》同埋《人海孤鴻》。

李小龍響12歲時拜葉問為師學詠春。除此之外，佢重練過洪拳、白鶴拳、譚腿、少林拳、戳腳、節拳等等。1957年佢奪得香港校際拳擊比賽少年組冠軍。1959年5月去咗美國西雅圖嘅華盛頓大學讀哲學同心理學。響美國嗰陣，佢仍然進修緊武藝，除咗傳統中國武術之外，重研究西洋武術，正式確立咗佢嘅武道哲學「截拳道」。

1964年佢出席咗美國加州長堤國際空手道錦標賽（Long Beach Karate Tournament）。響嗰度佢被電視劇《蝙蝠俠》製作人威廉多茲爾（William Dozier）賞識，邀請試鏡。結果喺1966年4月30號，李小龍同美國廣播公司簽咗30集電視劇《青蜂俠》嘅演出合約，飾演配角「加藤」（Kato），但只能夠播出一季共 26 集。其後佢以加藤角色演出咗三集《蝙蝠俠》，同理喺《無敵鐵探長》（Ironside）同《新娘駕到》（Here Come the Brides）中客串。

由於佢唔願意只係響《青蜂俠》扮特技人，決定返香港拍電影，同著名電影人鄒文懷合作拍攝咗五部電影：《唐山大兄》、《精武門》、《猛龍過江》、《龍爭虎鬥》、《死亡遊戲》。當時香港電影經過咗六十年代最高峰之後，票房一直慘淡，李小龍嘅戲為香港電影重新註入活力，重令到功夫片成為港產片嘅主流。佢嘅戲影響重遍及全球，全球包括香港在內，都掀起咗一陣「李小龍熱」。

李小龍係香港電影史上一個最具影響力嘅人物，尤其係佢以功夫武打片挽救咗當時瀕臨玩完嘅港產片，重開創咗華人打入荷里活嘅先河。喺呢一點上，華人演員入面，都暫時重未有其他人可以好似李小龍咁，影響全球之外，重風靡咗好幾十年。

佢嘅電影使出嘅都係真功夫，而佢所施展嘅就係「截拳道」，係李小龍集各家大成而自創嘅。

李小龍一生共拍咗五部功夫片。雖然只得五部，但呢五部戲就刺激咗動作片響香港嘅發展。動作片喺港產片全盛期係最賣座嘅一類，捧紅咗唔少動作巨星，好似有成龍、洪金寶、李連杰、甄子丹等等。其中成龍重話：「冇李小龍就冇我。」

為咗紀念李小龍，香港星光大道同沙田嘅香港文化博物館都有李小龍像，其中沙田嘅李小龍像會展覽五年，之後會搬去將來起好嘅李小龍永久紀念館。